Si lindi ideja ?
Rezultatet e punës sonë të viteve të fundit, kanë treguar një situatë jo ideale në mediat online dhe ato vizive përsa i përket pranisë së gjuhës jo-etike, diskriminuese dhe seksiste. Prandaj e kemi parë si të rëndësishme ndërgjegjësimin e gazetarëve dhe praktikuesve të medias, si dhe rritjen e kapaciteteve të tyre në terma të raportimit mediatik gjithëpërfshirës dhe duke respektuar standardet e gazetarisë etike.
Ky projekt u realizua me mbështetjen e organizatës ILGA Europe, përmes programit “Dinjitet për të gjithë” (Dignity for All). Programi siguron fonde emergjente, mbështetje advokimi dhe ndihmë për mbrojtësit e të drejtave të njeriut dhe organizatat e shoqërisë civile nën kërcënim ose sulm për shkak të punës së tyre për të drejtat e njeriut dhe barazinë për personat LGBTI+.
MBI PROJEKTIN
Ky projekt synon të rrisë ndërgjegjësimin në lidhje me gjuhën e urrejtjes dhe ndikimin që ajo ka në margjinalizimin e mëtejshëm të komuniteteve të pafavorizuara në shoqëri.
Gjatë periudhës së pandemisë si dhe periudhës elektorale të fillim vitit, atmosfera mediatike dhe politike në Shqipëri krijoi edhe më shumë mjedis të gjuhës së urrejtjes në media ndaj komunitetit LGBTI+ dhe komuniteteve të tjera minorancë, duke i bërë ata të ndihen të pasigurtë.
OBJEKTIVI
Nga zyra, nga shtëpia apo nga cilido ambjent ku ndodheni, mjaftojnë rreth 45 minuta për të përshkruar të tre modulet e kursit tonë.
Në fund të tre moduleve, një pyetësor do të masë njohuritë e marra dhe përgjigja e saktë në shumicën e pyetjeve të pyetësorit do të gjenerojë automatikisht certifikatën tuaj online.
- Merr kohën tënde!
- Fito njohuri praktike!
