Komuniteti LGBTI+ mund ta përdorë storytelling përmes mediave sociale për arsye të ndryshme. Mediat sociale mund të ofrojnë një ndjenjë komuniteti dhe mbështetje për individët LGBTI+ që mund të ndihen të izoluar ose të margjinalizuar. Adoleshentët hyjnë në platforma të ndryshme për të gjetur miq dhe komunitet, duke kërkuar këshilla dhe inkurajim në hapësira të sigurta dhe jo gjykuese për ta.
Mediat sociale ofrojnë një platformë për individët LGBTI+ që të ndajnë historitë dhe përvojat e tyre, të cilat mund të ndihmojnë në rritjen e përfaqësimit dhe viziblitetit. Për shembull, një studim i GLAAD zbuloi se përfaqësimi i LGBTI+ në televizionin amerikan është në nivelin më të lartë të të gjitha kohërave, ku personazhet LGBTI+ përbëjnë rreth 12% të të gjithë personazheve. Mediat sociale gjithashtu mund të ofrojnë përfaqësim për individët LGBTI+ të cilët mund të mos kenë akses përmes kanaleve tradicionale të medias.
Mediat sociale mund të jenë një mjet i fuqishëm për aktivizëm. Aktivistët për të drejtat e LGBTI+ e kanë përqafuar storytelling përmes mediave sociale në një mënyrë masive, duke i përdorur ato për të protestuar legjislacionet kundër komunitetit LGBTI+ dhe për të mbrojtur barazinë por edhe për edukimin e njerëzve për tema të ndryshme mbi shprehjen gjinore dhe orientimin seksual.